Vidlas ozutihe uz’ art-objekt
Uz’ art-objekt azotadihe Ojat’-jogen randal. Tegi sen Art’om Stepanov — pumastar’ Podporožjespäi.
Uden art-objektan nimi om “Kurgiden pajo”. Sihe mülüb lauč kurged-vestatesenke, rindal seižui kaiv ocapanke da kurgesine aid. Projektan tegijad ajeleba Venäman öbokan elotahoidme, tundištasoiš sijaližiden tradicijoidenke. Rahvahiden kul’tur libutab heiden hengid sädandradho. Muštoks projektan polhe elätahoiže jäba art-objektad.
— Art-objektad mugažo azotadas Arhangel’skan agjan Mezen’- da Onega-lidnoiš, Murmanskan agjan Umba- da Lovozero-küliš, starinoičeb projektan üks’ tegijoišpäi Pavel Prokofjev.
Projektan nimi om “Venäman hobedaižen ožereljen sarnoiden laborotorii”, se tehtas necen voden aigan. Projektan tugezi Kul’turiden iniciativoiden prezidentan fond.
Uden art-objektan praznikaline avaidamine linneb Vidlas “Elon pu” -vepsän kul’turan praznikal, mitte mäneb 13. kezakud.
