Vesläžed ozutetah omua neruo Baškortostanas
Vesläžed-pajoujoukkoh kuulujat nuoret artistat lähtietäh kilbailemah kogo Ven’an lapsien kolmandeh folkloriuadah. Se pietäh Baškortostanas 23.—27. kezäkuudu.
Pidoh yhtyy enämbi 1 000 nuordu artistua meijän muan 80 alovehelpäi, 78 taidojoukkuo da 8 solistua, kuduat ollah mieldynyöt oman rannan folklourah.
— Myö lähtemmö suurel joukol — 13 lastu da kaksi ruavastu. Ozuttamah rubiemmo karjalazien kul’tuurua. Ven’alpäi tulluzii ainos ihastutetah meijän joijut, piirileikit, rimpat. Rubiemmo soittamah kandelehel, jouhikol da pillil, sanoi Oma Mediale Vesläžien johtai Ol’ga Gabukova.
Folkloriuadan pidoloih kuulutah suuri konsertu pivon allus, kuduas jogahizel joukol rodieu kolmeminuuttahine noumeru, suuri ystävyskruugu, ildukečoi nuorižole da ezitykset piälinnas da sen lähevil.
Vesläžil jo on kogemustu moizis suuris pidolois ezittyjes. Vuvvennu 2022 hyö oldih enzimäzes folkloriuadas Čuvašien Čebaksarois.
Vesläžed-lapsijoukko on perustettu Mihail Balakirevan nimellizen muuzikkuškolan perustehel vuvvennu 2001 da ruadau omassah opastusprogramman mugah. Pajojoukkoh kuulujat lapset tutkitah Anuksen piirin Kuujärven lyydiläzien pajoneruo.
Yhty Oman Median kanualah MAX:as!
