Verez “Kipinän” nomer lahjoičeb keväz’lišt mel’t

Runoid, sarnoid, harjoitusid keväden temale – necidä kaiked da äi tošt melentartušt voib löuta kulehtesen lehtpolil. 6+ Kuva: Galina Baburova

“Periodika”-painištos läksi eloho uz’ “Kipinä”-kulehtesen nomer vepsän kelel. Kut sanuba sen tegijad, verez nomer lahjoičeb lugijoile keväz’lišt mel’t. Runoid, sarnoid, harjoitusid keväden temale — necidä kaiked da äi tošt melentartušt voib löuta kulehtesen lehtpolil.

— Panin neche nomeraha materialan minun fotoprojektan polhe. Projektan päidejan om tehta aigvoččiden ristituiden fotoid heiden laps’aigan bobaižidenke. Ühtes fotoidenke meil om neniden ristituiden muštlotesid laps’aigas, sanub üks’ kulehtesen keradajišpäi Galina Baburova.

Johtutam, miše “Kipinän” vepsänkeline nomer oigetas kaikihe Karjalan školihe, kus lapsed opendaba vepsän kel’t. Kulehtez anttas heile ilma maksuta. Toižed tahtnikad voiba ostta sen “Periodika”-painištos.