Vepsläižiden tedomehiden keskes ližadub
Vepsän kelen opendai Maria Košeleva polesti filologižiden tedoiden kandidatan dissertacijan Joškar-Ola- lidnas. Dissertacijan nimi om “Verban nimiformad vepsän keles: istorii da kävutoitand”. Maria Košelevan tedo-ohjandai om tetab Venäman kel’tedomez’ Irma Mullonen.
— Nece oli jüged “te” minun täht. Voib olda, sün sihe om valitud tem — minun dissertacijan tem om lujas vähän oppidud. Polestamine mäni hüvin. Nevondišton ühtnikoile tedotö tuli mel’he, jagoihe tundmusil Maria.
Dissertacijan kirjutamižen täht Maria tehli äi matkoid vepsän male. Hän oli erazvuiččiden eländtahoiden vepsläižil: pohjoiž-, suvi- da keskvepsläižil. Petroskoin universitetan filologijan institutan baltianmeren suomalaižiden keliden kafedral hän radab 10 vot.
Uzišt neciš temas voib lugeda mugažo venäks da suomeks.
