Heinkun 3. päiväl Karjalan pämez’ Artur Parfenčikov allekirjuti käskon Sampo-premijas, mitte anttas literaturan da taidehen radnikoile professionaližiš satusiš.
Vägestajiden keskes om Karjalan rahvahaližen teatran sebr vepsänkeližen ”Kodi iknoil pöudolepäi”-teatrozutelusenke (12+). Kodi iknoil pöudolepäi om üksjäine Rahvahaližen teatran ozuteluz vepsän kelel.
— Sur’ spasib kaikile, ken tugi meid. Vepsän südäimen täht nece om todesine praznik. Se znamoičeb miše meiden rad ei mänend hödhüvin, sanub teatran akt’or, teatrozutelusen päheng Aleksandra Aniskina.
Karjalan pämehen ”Sampo” – premii anttas joga voden literaturan da taidehen radnikoile professionaližiš satusiš.