Vepsän runotuz: Nina Zaiceva kirjuti uden runon

”Minä vepsläižen sünduin” -runon lirine heng starinoičeb ičeze vepsläižiš juriš. Kuva: Oma Media

Runoilii, vepsän kelen abukirjoiden da openduzkirjoiden tegii Nina Zaiceva kirjuti uden runon vepsän kelel. Runo om omištadud kaikele vepsän rahvahale. Neciš starinoičeb Karjalan regionaline kundaline ”Vepsän kul’tursebr” -organizacii.

— Kirjutin kirjutesen “Verez tullei” -al’manahan täht vepsän kirjutuz- da kirjkelen kehitoitandas. I se muga kingiti minun “vepsläižen” hengen, miše sündui nece runo, sanui “Oma Mediale” Nina Zaiceva.

Täuden runon tekstanke voib tundištadas ”Vepsän kul’tursebran” VKontakte-gruppas.

Uzišt neciš temas voib lugeda mugažo venäks.