Vepsän rahvahan hor ezitab Karjalad Kaikenvenäman fol’klorkonkursal
Novosibirskas 13.-15. heinkud mäneb Kaikenvenäman fol’kloransambliden “Tradicijad”-konkurs, kus ičeze kodiman fol’klorad ezitaba ansambl’ad erazvuiččiš Venäman alovehišpäi da röunišpäi. Karjalan Valdkundad ezitab tutab äjile Vepsän rahvahan hor. Konkursan aigan fol’klorkollektivad ezitaba ičeze programmoid kävutaden erazvuiččid fol’kloržanroid.
— Mö ajam konkursale hüviš meliš, tahtoim ezitada meiden Karjalad korktas. Mö ozutam konkursan žurile da adivoile meiden programmad, kus om vepsän rahvahan fol’klor, sanub Vepsän rahvahan horan ühtnik Ol’ga Kokorina.
Paiči fol’klorsebroiden ezitusid konkursan tegijad vaumičiba melentartuižen kul’turprogramman: sädandlaboratorii, ekskursijad, mastar’-klassad, ekskursii käzitöiden pajoihe da tošt.
Uzištoid neciš temas voib lugeda mugažo suomeks da venäks.
