“Vepsän kul’tursebr” tegeb seminaran Petroskoiš

Seminar tehtas “Vepsän kul’tursebran” ”Kul’tur da kel’: tämbei, homen, kaiken ” -projektan aigan, se oli tugetud Karjalan pämehen grantoiden fondal. 16+ Kuva: Jekaterina Golubnik

Vilukun 30. päiväl Petroskoiš linneb Regionoidenkeskeine seminar. Seminaral pagištas vepsän kelen i kul’turan kaičendas da kehitoitandas. Siš “Vepsän kul’tursebr” starinoičeb ičeze “VKontakte”-gruppas.

— Seminar abutab vajehtadas tedoil da praktižel mahtištol vepsän kelen da kul’turan kaičendan da kehitoitandan küzundoiš. Seminar om tarbhaine kundaližiden organizacijoiden ezitajile, tedomehile, opendajile, valdmehile, starinoitas “Vepsän kul’tursebran” “Vkontakte”-gruppas.

Seminaraha kuctas Karjalan valdkundan, Piterin da Vologdan agjoiden kundaližiden organizacijoiden ezitajad, tedo-, openduz- da kul’turpoliden radnikad.