Vepsän kul’tursebr kucub uden kirjan prezentacijale
Karjalan Rahvahiden sebruden pertiš mäneb uden kirjan ezituz. Kirjaha mülüba Ol’ga Žukovan runod da starinad lapsile vepsän kelel. Prezentacii om märitud 24. elokuksi.
— Prezentacijale tuleba kaik, ken ühtni necen kirjan tegendaha, kaik, ken tezi da armasti Ol’ga Žukovad. Vepsän kul’rursebran ühtnikad lugeba starinoid da runoid udes kirjaspäi. Ühtes mö muštištam Ol’gad da pagižem siš sures panendas vepsläižehe literaturaha, miččen hän tegi, sanub Vepsän kul’tursebran pämez’ Larisa Čirkova.
”Ezmäine änik”-kirjan Ol’ga Žukova ehti kerata edehko ičeze surmad. Kirj rahatugetas Karjalan pämehen grantal Vepsän kul’tursebran “Kel’ – minun kodima”-projektan tegemižen aigan.
”Ezmäine änik”-kirjan kuvadai om Margarita Jufa (mugoine oli avtoran toivotuz), toimitai om Ol’gan ühtesradnik da sebranik Nina Zaiceva.
Kirj läksi eloho ”Periodika”-paništos heinkun keskes. Prezentacijan augotiž – 17:30.
