Vepsän kelen opendai om ”Parahin kodikelen da literaturan opendai – 2024” konkursan laureat

Šoutjärven školan vepsän kelen opendai Anastasia Jevtušenko putui 15 laureatan lugetišehe. Kuva: Karjalan pämehen press-služb

Šoutjärven školan vepsän kelen opendai Anastasia Jevtušenko putui ”Parahim kodikelen da literaturan opendai-2024” -Ühthižvenälaižen konkursan 15 laureatan lugetšehe. Konkursan final mäneb Kazaniš.

— Kazaniš lopihe konkursan ezmäine tur. Koume päiväd opendajad ozutiba ičeze metodišt tehnikad, mugažo vediba ozutandurokad openikoiden täht, kirjutab Opendusen da sportan ministerstv VKontakte-gruppas.

Tämbei zavodisoiš toižen turan kodvindad. Opendajad vedäba klassčasud da mastar’-klassad. Vägestajiš tedotadas pauklahjoičendal, mitte linneb 21. sügüz’kud.