Vepsän kelen opendai ezitab Karjalad Hanti-Mansijskas
Vepsän kelen opendai Anastasia Jevtušenko Šoutjärven školaspäi ezitab Karjalad “Kodikeliden- da literaturoiden noriden opendajiden forumal”. Forum tehtas 17. da 18. sulakud Hanti-Mansijskas. Sil Anastasia ezini “Školan rol’ kodikelen da rahvahan kul’turan kaičendas” -dokladanke.
— Ezituses minä starinoičin ičein radon mahtištos da ičein kacundas kodikelen opendamižehe, sanui “Oma Mediale” Anastasia Jevtušenko.
Foruman programmas oma openduzčasud da lekcijad parahimilpäi kodikeliden opendajilpäi. Azjtegoho kerazihe enamba 100 kodikeliden da literaturoiden opendajad.
— Minei lujas tuli mel’he Iževskan gimnazijan praktik, mitte om oigetud kodikelen kaičendaha, päazjan — radho vanhembidenke, lizazi Jevtušenko.
Uzišt neciš temas voib lugeda mugažo venäks.
