Vepsän kelen diktantan akcii jo zavodihe
Diktantad vepsän kelel kirjutaškandeba 20.-26. sulakud avaitud sijoiš Petroskoiš, Karjalan Änižröunan küliš, Piterin agjan Arskahtiš, Vidlas, Lodeinoje Pole-lidnas da Vologdan agjan Timošino- da Babajevo-küliš.
Diktantad vepsän kelel lugeb Aleksandra Aniskina, Karjalan arvostadud artist da Rahvahaližen teatran aktris, tekstan diktantan täht vaumiči Maria Košeleva, Petroskoin universitetan, baltianmeren-suomalaižiden keliden kafedran opendai.
—Täl vodel diktantan tekst om ühtejitte kaikuččele paginale. Nece tradicii oli diktantan lähtkidenno. Diktantan tekstaks valitihe melentartuine starin ustavuden polhe, se tuleb mel’he kut lapsile, muga aigvoččile-ki, sanub Maria Košeleva.
Akcijan tegijad oma Rahvahaližen politikan ministerstv ühtes Karjalan da Vepsän kul’tursebroidenke, Petroskoin universitetanke da Karelia-teleradiokompanijanke.
