Vepsäläzet suajah ilmazet muapalat
Vepsäläzet voijah suaja ilmazet muapalat perindöllizis eländykohtis da perindöllizeh ruadoh nähte. Moine mahto on vepsäläzil sendäh, ku hyö kuulutah Ven’an kanduvähembistölöin luvetteluh.
Muatila annetah ilmazeh käyttöh 10 vuottu.
— Muatilan suamizen oigevus on kirjutettu Ven’an Muakoodeksah. Moine oigevus on vepsäläzil, kuduat eletäh perindöllizis kohtis da kudamien mualoi käytetäh perindöllizih ruadoloih nähte, kuduat on miärätty Ven’an haldivon vuvven 2009 käskyl. Net ollah Šokšan, Šoutjärven da Kalag’-kylän muat Onieganrannikon piiris, sanoi Karjalan piämiehen lehtistöpalvelule Karjalan tazavallan omažus- da muavälilöin ministru Sergei Sedletskii.
Muatilat annetah vaigu perindöllizien ruadoneroloin käyttämizekse da säilyttämizekse. Ven’an haldivon hyväksyttyh perindöllizien ruadoneroloin luvetteluh kuuluu 12 ruaduo, niilöin luvus kodielättilöin kazvattamine, mehiläishoido, muanruado, taido- da rahvahallizet käzinerot.
Muatilan suajes pidäy olla paiči toizii dokumentoi kanduvähembistöh kuulundan tovestus.
Vuozinnu 2024 da 2025 oli allekirjutettu nelli sobimustu ilmazen muatilan suandas vepsäläzien perindöllizien ruadoloin pidämizekse.
Aihies voit lugie vepsäksegi.
Yhty Oman Median kanualah Telegramas!
