Venehjärveššä avattih šeppäpaja
Venehjärven kylän viereššä ennein muinoin šeiso šeppäpaja. Kylän isäntä Aleksandr Lesonen jo monta vuotta takaperin löyti šen jiännökšet ta šepän istorijallisen paikan viereššä oli noššettu uuši rakennuš.
Pajašša on palkiet ta ahjo, šentäh šielä voipi šepitä rautavehkehie.
— Šeppä oli vejen, ilman ta tulen haltja. Še oli merkittävä henkilö kyläššä ta ušottih, jotta šepällä oli taikavoimua. Mie muissan, kuin lapšena juokšin šeppäläh ta hiän anto puhuo hiileh palkeilla, šano Venehjärven kylän isäntä Aleksandr Lesonen.
Paja oli rakennettu tämän kešän aikana. Rakentajina oltih Kalevalan kanšallisen puisson ruatajat. Niise šepänpajašša on terotušlaittehie ta laiteh jotta viäntyä vempelie. Šepän ruavošta on kerrottu tietotauluissa. Pajah šuaten ruvetah pitämäh opašretkijä “Rautapolkuo myöten”.
