Venäman hengižen etnokul’turižen jäl’gestusen objektad putuba lugetišhe
Venämal ozutase hengižiden etnokul’turižiden objektoiden jäl’gestusen lugetiž. Sihe mülüba sarnad, elostarinad, kargud, verod, käzitöd da tradicijad. Käskön necen lugetišen tegemižes da vedändas allekirjuti Valdmehišton pämez’ Mihail Mišustin.
Lugetišes linneba tedod objektas: kus se ozutihe, kus se kaitas, ked oma ičeladuižen tradicionaližen kul’turan kaičijad.
Lugetišen tegemine kebnenzoitab hengižen etnokul’turižen jäl’gestusen oppindad, kävutoitandad, kaičendad da popul’arizoitandad. Se linneb kebnpäzuižen kaikile. Lugetišen operatoran om Kul’turan ministerstv.
Käsk lugetišen tegemižes vaumitas Federaližen zakonan ”Venäman hengeližes etnokul’turižes jäl’gestuses” normiden sädamižen täht. Ncec zakon vahvištadihe 2022. voden redukus.
Uzištoid neciš temas voib lugeda mugažo suomeks.
