“Venäman civilizacii” -fotokonkurs: tegijad kucuba ühtnemaha
Kezakun 12. päiväspäi zavodiše “Venäman civilizacii” -fotokonkurs. Konkursaha voib ühtneda kaikutte tahtnik, kudambale om enamb 18 vot. Konkursale ottas fotod, miččed oli tehtud vodel 2020 da möhemba. Jogahižehe nominacijaha ühtnik voib oigeta 1—5 fotod. Siš konkursan tegijad tedištoitaba projektan internet-lehtpolel.
— Rahvahidenkeskeižen “Venäman civilizacii” -fotokonkursan aigan pauklahjad anttas nominacijoiš: “Kanzan kal’huded”, “Čudokaz londuz”, “Ristitud da sugupol’ved”, “Suren man tradicijad”, “Arhitektur da vestatuz”, “Hengižed kal’huded”, “Kodiman kaičijad”. Sen ližaks, anttas Gran-Pri parahimas fotokuvas, a mugažo lahj eriližes “Venäman äilapsine kanz” -nominacijas da kacujiden mel’düiden lahj, kirjutaba tegijad fotokonkursan internet-lehtpolel.
Pakičusid ottas 12. kezakud — 5. redukud projektan internet-lehtpolel. Fotokonkursan vägestajad valičeb professionaline žürijouk. Jogahižen nominacijan vägestajad saba arvokahid lahjoid.
Vodel 2024 konkursale tuli enamba 18 tuhad fotod 3,2 tuhaspäi fotografaspäi.
Uzištoid neciš temas voib lugeda mugažo karjalaks, suomeks da venäks.
