Pohjoižen, Sibirin i Edahaižen Päivnouzman igähižiden vähäluguižiden rahvahiden Associacii da Venäman MID-n MGIMO oma tehnuded openduzprogramman ”Venäman igähižed vähäluguižed rahvahad. Kundaližen diplomatijan škol”. Se om oigetud sihe, miše toda ezile igähižiden vähäluguižiden rahvahiden zakonal vahvištoittud tarbhuzid rahvahaližel da rahvazkeskeižel pordhal. Sihe voiba ühteta igähižiden vähäluguižiden rahvahiden ezitajad, kudambad oma norembad 45 vot, kel om ezinikan tabapirdoid i ked oma vaumhed rata ičeze rahvhan hüvüdeks.
— Uz’ programm abutab norile, Venäman vähäluguižiden rahvahiden ezitajile, sada professionaližid tedoid diplomatijan poles, municipaližes da valdkundaližes ohjanduses. Nece om hüvä panend kundaližen likundan tulebaha kehitoitandaha meil, Venämal, sanub Pohjoižen, Sibirin i Edahaižen Päivnouzman igähižiden vähäluguižiden rahvahiden Associacijan prezident Grigorii Ledkov.
Openduzprogrammas linneb koume etapad. Projektan lopus planuitas tehta visit valdkundaližihe organizacijoihe, miše tundištadas niiden radonmahtonke igähižiden vähäluguižiden rahvahiden oiktusiden kaičendas.