Venäjän vesi: Karjalašša mäni enšimmäisie supotniekkoja
Venäjän vesi -aktijon supotniekkoih ošallistu volont’orija šekä tašavallan luonnonvarojen ta ekologijan ministerijön, Karjalan lentomečänšuojelun ta Sortavalan piirin hallinnon ruatajie. Hyö puhissettih roškašta Lohijoven, Onegan järven ta Läppäjärven lahen rantoja. Ošallistujat kerättih kakši kuutijometrie roškua, kertou Luonnonvarojen ta ekologijan ministerijö.
— Volont’orit puhissettih 500 metrie rantua ta kerättih kuuši šuurta šäkkie roškua. Šuurin oša jäi piknikkien jälkeh: kertagrillijä, pulloja, puššija, muovie ta ihmiset muita jälkijä, kirjutti Karjalan lentomečänšuojelu omašša poštaukšeššah.
Tänä vuotena Karjalašša on šuunniteltu yli 100 tilaisutta Ekologini hyvinpärjyämini -kanšallisprojektin Venäjän vesi -aktijon tuvekši. Jotta ošallistuo supotniekkah pitäy kiäntyö hallinnon puoleh, kumpasen alovehella vietetäh aktijuo.
Yhty Oman Median MAX-kanalah!
