Ekologijan, luonnonkäytön, ilmašton, kotišeutututkimukšen, kašvi- ta elukkamuajilman aloih liittyjih kyšymykših voipi vaššata ekošanelušša. Tietokilpailušša on 25 kyšymyštä ta niih annetah 40 minuttie. Šaneluo pietäh online muuvvošša.
– Šanelušša on nellä vaikeuštašuo: alla 12-vuotiset lapšet, 12–18-vuotiset teini-ikäset, aikuhiset ilman erikoiskoulutušta luonnonšuojelun alalla šekä tämän alan spesialistit. Tehtävie on erilaisie: eryähissä pitäy valita oikie tahi viärä variantti, kirjuttua oma vaštauš, šelitetäh aktijon järještäjät.
Kaikki, ket kirjutetah šanelu, šuahah tovissukšet. Šen lisäkši šamalla Экодиктант.рус -portalilla, missä pietäh šaneluo, šuau tiijuštua luonnonšuojelušta, šamoin šieltä löytyy hyövyllisie video-oppituntija, ekošanakirjoja, artikkelija. Aktijon tulokšet ilmotetah 10. talvikuuta.