Ven’an rahvahien kul’tuuruperindön vuozi sai allun
R’azanin linnas Kogo Ven’an rahvahan runohuon tutkijoin kongresan hantuzis avattih Ven’an rahvahien kul’tuuruperindön vuozi. Piäisntundon allus suureh pidoh kerävynnyzii tervehti Ven’an kul’tuuruministru Ol’ga L’ubimova. Häi tovendi, ku valdivo ellendäy eri kazoin perindölöin tärgevytty, panou vägie heijän identitietan da omaperäzen kul’tuuran säilyttämizeh.
– Tiettäväine, tämänmostu ruaduo piettih ennegi, ga tämän vuvven aigua valdivo rubieu enämbäl kiinittämäh huomivuo perindöllizeh kul’tuurah da Ven’an joga aloveh ottahes elvyttämäh oman čupun taboi da neroloi. Vuvven aloh kačotah järjestiä yhtehizii dekuadoi. Ezimerkikse, sulakuus on rahvahan tansuloin dekuadu, syvyskuus – pruazniekoin da eri pidoloin dekuadu, ligakuus – rahvahallizen muuzikan dekuadu, kylmykuus – rahvahan pajon dekuadu, sanou Vuvven avajazih yhtynyh karjalazen folklouran tutkii valentina Mironova.
Kul’tuuruperindön vuvven piätarkoituksennu on miärätys aijas pidiä eri tapahtumii da konsertoi, kuduat ozutettas kaikile Ven’an kul’tuuruperindön moniluadužuttu. Joga dekaadal on omat pluanat, niis voibi lugie täs.
Kul’tuuruperindön vuvven pidoloil on eri igärajoituksii.
