Ven’al rodieu kazviloin Mustu kirju
Ven’an tiedomiehet jullatah tänä vuon Mustan kirjan, kuduah pannah kai kazvit, kuduat ollah pahakse mua- da meččytalovuole. Julgavuo valmistetah Ven’an akadeemien kazvisavun ruadajien kel yhtes.
— Invazivnoloin kazviloin Mustan kirjan jo tänä vuon piästämmö ilmoih. Ku paista kazviloi, myö Ven’an akadeemien kazvisavus ruadajien kolleegoin kel keriämmö sidä Mustua kirjua, kuduah puuttuu enämbän puoldutostu tuhattu kazvii, kuduat ollah varavonnu meččy- da muatalovuole, kerdou RIA Novosti -uudizientoimisto Ven’an luonnonministerstvan yhtehizen tiedokeskuksen Ekolougii-tutkimusinstituutan piämiehen Aleksandr Zakondirinan sanoi.
Ven’al jo on olemas Ven’an keskipuolen mustu kirju, sih on painettu agressiivizien vakkinazien kazviloin nimie, kuduat vuarretah paikallizii kazviloi. Muailman 57 muas on 300 mostu varattavua kazvii, Ven’an keskipuoles niidy on 52 luaduu. Se luvettelu ainos vai kazvau.
Aihies voit lugie suomeksegi.
Liity Oma Median MAX-kanavalle!
