Ven’a da Valgoven’a yhtes turvalližuttu lujendamas
Egläi da tänäpäi Petroskois ruadau Valgoven’an da Ven’an parluamentan kerähmön komiissii, kudai valvou turvalližuttu da puolistustu.
Karjalan Zakonoinhyväksyndykerähmös vastavuksel šeikuittih turvalližuon kyzymyksii, informatsiivaravoloin vastustamistu, oman muan suvaičuksen opastamistu, Ižänmuallizen voinan tovellizen histourien säilyttämisty da toizii nygyaigazii aihieloi.
— Olemmo yhty mieldy, ku ylen suuri poliittine da sanktsionnoi painamine ”kollektiivizen” päivänlaskupuolen valdivolois luadiu meijän mualoi da Liittovaldivuo vaigu vägevembäkse, kirjutti Elissan Šandalovič omassah VKontaktas.
Valgoven’an da Ven’an parluamentan kerähmön komiissien piälikönny on Valgoven’an parluamentan kanzallizen turvalližuon alallizen komiissien piämies, general-maijoru Gennadii Lepeško. Komiissieh kuuluu kolme Ven’an urhoidu, heijän joukos Olimpiiskoloin kižoin greko-rimskoin borčun kolmekerdaine voittai, senuattoru Aleksandr Karelin da komiissien varapiämies, Ven’an Valdivoduuman turvalližuskomitietan enzimäine varapiämies, Pohjazel Kavkuazal da Suvi-Oseeties bojulois olluh Andrei Krasov.
Aihies voit lugie suomeksegi.
Yhty Oman Median kanualah Telegramas!
