Vastuz kacujidenke: “Kuki-rikku” -videožurnalan tegijad vastsihe lapsidenke
“Kuki-rikku” -videožurnalan tegijad vastsihe lapsidenke. Vastuz mäni nelländen klassan openikoidenke. “Kuki-rikku” -videožurnalan avtorad starinoičiba ičeze projektas da ozutiba lapsile erasid videorolikoid.
— Minä homaičin, miše viritim lämoin lapsiden sil’miš. Oli äi küzundoid i vastusen aigan, i sen jäl’ghe. Lapsed küzuiba, kut voib putta meiden videorolikoihe, kut mö valičem akt’oroid, kut pi’tkha jatktasoiš sjomkad i muga edemba. Erasiden akt’oroiden vanhembad sanuiba meile, miše lapsed sjomkoiden jäl’ghe tahtoiškanziba enamba teta Karjalan rahvahiden kul’turan da kelen polhe — nece om meiden projektan päazj, starinoičeb üks’ “Kuki-rikku” -videožurnalan avtoroišpäi Maria Šašina.
Vastusel oli Aleksandr Uhlinov, kudamb ühtni videožurnalan sjomkoihe muloi. Hän jagoihe ühtesklassnikoidenke johtutesil siš.
“Kuki-rikku” -videožurnal lapiden polhe da lapsiden täht tehtas Karjalas vodelpäi 2021. Se lähtleb eloho Karjalan igähižiden rahvahiden kelil.
