Valokuvanäyttely kertou Pohjosen tutkimukšista

Valokuvanäyttely kertou Pohjosen tutkimukšista

12.02.2024
Jiä, talvi, Arktikka: Karjalan tietokeškukšen tutkimukšet -nimini näyttely on auki Neuvoštoaukivolla Petroskoissa.
Näyttelyššä on valokuvie ta šelitykšie, mitein Karjalan tietokeškukšen tietomiehet tutkitah pohjoista. 0+. Kuva: Uljana Tikkanen
Näyttelyššä on valokuvie ta šelitykšie, mitein Karjalan tietokeškukšen tietomiehet tutkitah pohjoista. 0+. Kuva: Uljana Tikkanen

Giperboreja-talvifestivalin rajoissa oli avattu valokuvanäyttely “Jiä, talvi, Arktikka: Karjalan tietokeškukšen tietomiehien tutkimukšet”. Näyttely avasi Karjalan tietokeškukšen pitämän tilaisukšien šarjan, kumpani on omissettu Venäjän tietoakatemijan 300-vuotisjuhlalla. Näyttely kertou, mimmosen panokšen Karjalan tietokeškukšen tutkijat luajitah Pohjosen talouven, biologijan, geologitiijon, ekologijan ta kulttuurin tutkimiseh, mimmosie tutkimukšie on pietty ta mimmoset tulokšet on šuatu, mitä hyötyö ne tuuvvah Karjalan eläjillä. 

— Näyttelyššä työ niättä, mitä Karjalan tietäjät luajitah ta vielä enemmän työ voitta tiijuštua, još tuletta Karjalan tietokeškukšeh avattujen ovien päivih. Karjalan tietomiehet tutkitah Karjalan lisäkši koko Arktikkua ta Šuvimannerta. Näyttelyššä on valokuvie ta šelitykšie. Jokahini voipi ymmärtyä, mimmosie tutkimukšie mitein pietäh, šelitti Karjalan tietokeškukšen johtaja Ol’ga Bahmet.

Giperboreja-talvifestivali tänä vuotena on omissettu Venäjän tietoakatemijan 300-vuotisjuhlalla. Lumi- ta jiäveššokšien kilpailun teemana oli “Isänmuan šuuret älyt”. Festivalissa šai nauttie veššokšien erikoisuošta ta tiijuštua äijän mukavua tietotutkimukšista. 

Karjalan tietokeškukšella oli oikevuš valita keškukšen mieleštä parahan veššokšen. Šemmosekši tuli Molekyylien kommutointi -veššoš. 

Petroskoin šuurin talvifestivali oli pietty 22. kertah, tänä vuotena šen piäpäivällä tuli yli 15 tuhatta henkie.


ПОХОЖИЕ НОВОСТИ
Karjalan Sanomat
Ruskeala Symphony: festivaalille pääsee lisäjunalla
Musiikkifestivaalin vieraille järjestetään 27. heinäkuuta lisävuoro Pietarista.
Oma Mua
Vuottovuaran rajat ollah virrallizet
Vuottovuaran puuston rajat pandih Omažuon yhtehizeh valdivollizeh rejestrah. Ruavot rajoin panemizekse Rejestrah on luadinuh Roskadastr-laitoksen Karjalan ozasto.
Karjalan Sanomat
Uusi oppikirja avuksi vepsän oppimisessa
Petroskoissa on ilmestynyt Sanu, luge, kirjuita -oppikirja. Se sopii sekä lapsille että vepsän lukemista vasta aloittaneille aikuisille.
Karjalan Sanomat
Karjalassa on kehitetty ympäristösuojelun kehitysohjelma
Ohjelma sisältää erilaisia ympäristönsuojelutoimia. Tasavallassa avataan uudet lajittelulinjat sekä siivotaan roskista ranta-alueita.
Karjalan Sanomat
Tilastot: Karjalasta ei raportoitu yhtään metsäpaloa viikonloppuna
Metsäpalo sattui viimeksi 18. heinäkuuta Louhen piirissä.
Karjalan Sanomat
Ruskeala Symphony alkaa perjantaina — Ehdit vielä ostaa lipun!
Tänä vuonna musiikkifestivaali järjestetään Ruskealan vuoripuistossa 26.—27. heinäkuuta.
Kipinä
Pohjolan neiti: Kalevalan nukkemaailma
Heinäkuun lopussa Petroskoin kirjastossa pidetään työpaja, jonka aikana kaikki halukkaat voivat tutustua karjalaiseen pukuun ja valmistaa omin käsin Kalevala-eepoksen naishahmon puulusikoiden avulla.
Oma Mua
Yhtykkiä V nature!-kilbah!
Karjalan Kanzallizen muzein Tovelline talovus 2024 -projektan hantuzis pietäh III Tazavallan fotokuvien da videos’užietoin kilbu “V nature!”.
Karjalan Sanomat
Näyttely: Miten harjoitettiin maanviljelyä Aunuksen kuvernementissa?
Kižin saarella tänään avattava näyttely kertoo maanviljelyn perinteistä Aunuksen kuvernementissa 1800—1900-lukujen vaihteessa.
Oma Mua
Sua kompensatsii lapsen huogavundas
Karjalan Sotsiualupuolistuksen ministerstvu mustoittau, ku voibi suaja järilleh lapsienhuogavoh maksettuloin den’goin vuitti.
Войти
Регистрация
Пароль
Повторите пароль