Valličus on luajittu
Kolmen päivän aloh piettylöin valličuksien aigah kahtu čuassuu enne valličuksien loppevundua omua iänestysoigevuttu käytti 39,62 % iänestäjiä. Karjalas kaikkiedah on 490 366 iänestäjiä, iänestämäh online-muvvos da jallai valličuskohtih tuli läs 194 000 hengie.
Iänestäjien 60% b’ulletenien muokattuu valličuksien tulokset Karjalan valličuskeskuskomiisien tiedoloin mugah ollah moizet.
— Jedinaja Rossija — 34,17%, KPRF — 15,61%, LDPR — 14,23%, Spravedlivaja Rossija — 12,64%, Novije L’udi — 11,72, andau tieduo valličuskeskuskomiissii omassah VK-sivul.
Iänestäjien joukos oli niidy, ket iänestettih enzi kerdua: seiččei tuhattu 18 vuottu vahnembua iänestäjiä enzi kerdua käytettih omua iänestysoigevuttu. Net, kuduat täytettih 18 vuottu 14.—20. syvyskuudu, iänestämäh tulduu suadih valličuskeskuskomiisien lahjat — termokupit da diplomu mustokse.
— Kalevalan, Priäžän, Anuksen piirit ozutettih korgiedu aktiivižuttu valličuksis, Karjalan valličuskeskuskomiisien piämies Aleksei Bahilin sanoi Karjalan piämiehen lehtistöpalvelule.
Ven’al tämänvuodehizih valličuksih tuli enämbi rahvastu, migu mennyt vuozin. Vuvven 2021 valličuksih tuli 51,72% iänestäjiä, tänä vuon — 56,57%.
Karjalas 460 valličuskohtas ruadoi 1 200 tarkastajua, 233 valličuskohtas oldih azetettu videotarkastuksen sistiemat.
Aihies voit lugie suomeksegi.
Yhty Oman Median kanualah MAX:as!
