Vahnoi kirjoi ezitettih Kanzallizes muzeis

Julgavos on ezitetty XVI–XIX vuozisualoin 88 käil kirjutettuu tekstua da XVI–XX vuozisuan kirillizil kirjaimil kirjutettuu kirjua. 6+ Kuva: Karjalan kanzallizen muzein VK-sivu

Karjalan Kanzallizes muzeis piettih uvven kirjan prezentatsii. Kirjan nimekse on pandu ”Luvettelu: Karjalan tazavallan Kanzallizen muzein kirillizil kirjaimil käil kirjutettuloin tekstoin da kirjoin keräilemy”.

Julgavos on ezitetty XVI—XIX vuozisualoin 88 käil kirjutettuu tekstua da XVI—XX vuozisuan kirillizil kirjaimil kirjutettuu kirjua. Niilöi tutki filolougien douhtoru Aleksandr Pigin da tutkii L’udmila Harebova.

Enzi kerdua kirjas suau nähtä vuvvennu 2023 muzeih annetun kirjuttajan da literatuuran tutkijan Andrei Sin’avkoin keräilemän kuvuamizen. Sen keräilemän muzeile lahjoittu Vladimir Dukel’skii, Ven’an eräs kuulužimii histourien tutkijoi.

— Julgavo on Kanzallizen muzein da Kielen, literatuuran da histourien instituutan yhtehizen ruavon tulos. Kirju on omistettu Kanzallizen muzein 155-vuozipäiväle, ilmoittau Kanzalline muzei omassah VK-sivul.

Luvettelus ezitetyt kirjat ollah tärgiet Ven’an pohjaipuolen hengellizen eloksen da vahnan uskon tutkimizes.

Yhty Oman Median kanualah MAX:as!