Vaalihommat 2026: tietomaterialija voipi lukie karjalan ta vepšän kielellä
Kulujan vuuvven šyyškuušša Karjalua vietetäh šuuret vaalihommat. Monivuotisen perintehen mukah tašavallan vaalikomitietta julkaisou tietomaterialija karjalan ta vepšän kielellä vaalialovehilla iäneššykšen päivinä, ilmottau Karjalan tašavallan kanšallisen ta alovehellisen politiikan ministerijö.
Ainehistuo kiännetäh yhteistyöššä Karjalan tašavallan piämiehen rinnalla toimijan šanaštokomiisin kera.
— Šuoritin kiännöštyön iellisinä vuosina. Ruato oli vaikie, šentäh kun kiännettävissä materialiloissa on ominaista šanaštuo. Onnakko še on tosi tärkie karjalan kielen kehittämisellä, kerto Oma Medialla Oma Mua -lehen toimittaj, Šanaštokomiisih kuuluja Marija Remšujeva.
Plakattiloih esitelläh tietoja Karjalan lakienluajinrakokoukšen deputattiehokkahista vepšän ta karjalan kielellä.
Aihiešta voit lukie niise vepšäkši.
Yhty Oman Median Telegram-kanalah!
