Festivuali pietäh Värttinä pyöri -projektan sivul. Online- pidoh kučutah muuzikkujoukkoi da pajattajii, kuduat tutkitah oman čupun soittimien, muuzikan da tansiloin perindölöi da ezitytäh etnogruafizen materjualan pohjal. Joukon libo muzikantan programmu voi kestiä ei hätkembiä kymmendy minuuttua. Festivualih ollahgi tervehtulluot perindällizien ruadoloin neroniekat.
– Ilmoittuakseh festivualih voibi sähkopoštači vuvven 2020 ligakuun 1 päivässäh, kuččuu yhtymäh festivualih projektan johtai Jelena Vitaljevna Ol’šakova.
Festivuali pietäh Karhumäen karjalazien Kondi-liiton Värttinä pyöri -projektan hantuzis, kuduan kannatti Karjalan kanzallizen da alovehellizen poliitiekan ministerstvu.
Ližiä tieduo voi suaja projektan internetsivul libo telefonas +79004553334. Ilmoittuakseh voi sähkopoštači varttina-pyori@mail.ru.