Värtsilän školan perustehellizet remontat on loppiettu
Värtsilän školan perustehellizet remonturuavot on loppiettu da uvvistetut opastundutilat avavutah enämbäle 240 opastujale. Sih nähte andau tieduo zakonoinhyväksynkerähmön lehtistöpalvelu.
— Škola on uvvistettu kogonah. Se rodih nygyaigaine opastundulaitos, kuduas opastujil da opastajil on hyvä olla, sanou Tatjana Tiškova, Karjalan zakonoinhyväksyndykerähmön opastus-, sportu-, kul´tuuru da nuorižopoliitiekan komitietan piälikkö.
Školas on uvvistettu levo, ulgoseinät da lattiet. Vahnat ikkunat da veriät on vaihtettu uuzih. Opastundulaitokses on kohendettu ližäkse vezi-, viendy- da lämmityssistiemat da ilmuvaihto. Školah on hommattu uvvet laittehet, pertilomut da soittimiet.
Ližäkse tänä vuon Elisenvuaran škola avai omat veriät opastujile perustehellizien remontoin jälles. Taajaman školan rakendus kohendettih mennyt vuon federualuprogramman varoil.
Aihies voit lugie suomeksegi.
