Suomalaiž-ugrilaižed keled nügüd’ – om 8-palaine videoserii, mitte tundištoitab suomalaižid da suomalaižid škol’nikoid Venämas eläjiden suomalaiž-ugrilaižiden rahvahiden kelidenke. Videod om Sugrifest-projektan pala.
— Meile oli lujas tärged ozutada, miše meiden suomalaiž-uglilaižed keled da kul’turad oma eläbad, a mö em olgoi vanhad muzejiden kalud rahvahaližiš sädoiš. Toivon, miše nece ozastui, sanub projektan vedäi, udmurtilaine Ol’ga Urasinova.
Projektan idei oli siš, miše Venäman suomalaiž-ugrilaižiš keliš da kul’turiš om vähä tedoid internetas. Se andab kogonaižen kuvan keles da kul’turas.
— Oli jügedahk luhüdas aigas jonoštada kaikid melentartuižembid azjoid, no vizualine da nügüd’aigaline materialan andmine om lujas tärged, jatkub paginad Ol’ga.
Videod ezineba nored suomalaiž-ugrilaižiden keliden opendajad ičeze kelil. Videoiš om suomenkeližed subtitrad.