Uz’ nomer: tal’vesine ”Kibin” läksi eloho
Kipinä-kulehtesen uz' nomer tuli eloho. Ezmäine lehtpol' lahjoičeb lugijoiile čomad runod-tegendad. Runoilii Galina Baburova iloks segoiti sanoid, lugijoile pidab ei vaiše lugeda, no meletada-ki.
Tal’vesine nomer johtutab, miše pigai tuleb čoma praznik Uz’ Voz’. Mö taričem teile tedistada, ken abutab Pakaižukole lahjoita lapsile lahjoid. Abunikad eläba kaikuččes Venäman agjas. Völ kaikuččes žurnalas om kalendar’ kogonaižeks vodeks Margarita Jufan kuvanke.
Anna Danilova da Sergei Svetov starinoičiba meile Karjlan geologijas komiksan abul. Kondi, makondi, reboi da neglik matkaba Karjaladme da avaibaba meile melentartuižid faktoid.
“Teiden ičetoi lehtpol’”-rubrikas om uz’ adiv. Meiden lugii kirjuti erazvuiččiš sportroduiš. Nikita Bavikin iče om sportmez’, sikš starinoiči äi melentartušt Džiu-Džitsus, Karates da toižes.
Tradicijan mödhe melentartuižed tegendad, kaikenaigaižed rubrikad varastaba Kipinän lugijoid. Verez nomer voib ostta ”Periodika”-paindištos.
