Vepsläine ”Noid”-sebr ihastoiti ičeze kundlijoid udel videoklipal. Tal’vkun augotišes tuli eloho uz’ klip ”Minä tämbei”-pajole, miččen pohjal om rahvahaline lühüd pajo. Sjomkad mäniba Petroskoiš, tutabiš äjile sijoiš.
— Klipan päidei om siš, miše kaikutte voib löuta armastust. Klipan tegemižehe ühtniba erarvuiččed ristitud: Karjalan rahvahaližen teatran akt’orad, Karjalan televidenijan radnikad da toižed. Suren radon tegi meiden kameramez’ Artur Varlamov, sanub Vladimir Solovjov, ”Noid”-sebran ühtnik.
Uz’ klip om tehtud Karjalan valdkundan Rahvahaližen kul’turkeskusen rahatugele. ”Noid”-muziksebr oli tehtud Petroskoiš vodel 2007. Sen erigoičuz om siš, miše se andab tradicionaližile vepsläižile pajoile uden elon nügüdlaižes aigas.