”Lehtesed tulleil” – nece om jo videnz’ avtoran runokirj. Sihe om keratud tetabid runoid da mugoižid, miččed völ ei ole paindud.
Runoiden pätemad oma kodima, laps’aig, armastuz. Om akale, poigale da mamale kirjutadud runoid.
— ”Lehtesed tulleil” – nece om simvol. Sügüz’line lehtez ”lendab” runokogomusen kaikuččes ciklas läbi. Tullei lendab sidä ülähäks, i se ei laskte male, lendaškandeb edemba igän, sanub Oleg Mošnikov.
Udehe kirjaha mülüba mugažo Karjalan runoilijoiden töiden kändmižid suomen, karjalan da vepsän kelespäi. Kirjan tiraž om 400 ekzempl’arad.
”Lehtesed tulleil”-runokogomuz om paindud Karjalan rahvahaližen da regionaližen politikan ministerstvan rahatugel.
Voit lugeda necidä uzištod mugažo venän kelel.