Uvvet kirjastot: tiijot da kul’tuuru lähembä
Karjalan tazavaldu suau ližiä varua kul’tuurualan projektoih federuallizes b’udžietaspäi. Ruaduo pietäh kolmen vuvven aigah, tänä vuon — kanzallizen Pereh-projektan mugah.
Uvvet kul’tuuruopastustilat luajitah Belomorskan piirin Sosnouččah da Sordavalan piirin Haapalambih. Uvvistetahgi Petroskoin linnan Danilovan nimisty lapsien kirjastuo.
Projektoin todevuttamizeh annetah 30, 4 miljounua rubl’ua. Net pietäh pertilöin kohendamizeh da uuzien laittehistoloin ostamizeh. Kirjastoloih ostetah uuttu kirjua da mugažua kalustuo. Kirjastot suajah uvvet programmat ruadoh niškoi da yhtevys Kanzallizen kirjaston sähkötaguizih. Kirjastolois ruadajien neruo korrendetah, opastetah ruadamah uuzien siändölöin mugah.
— Uvvistettu kirjasto on askel sih, ku tiijot da kul’tuuru roittas Karjalan jogahizele eläjäle lähembä. Myö luajimmo moizii tiloi, kus voibi opastuo, luadie uuttu da huaveilla tuliedu, sanoi Karjalan piämiehen lehtistöpalvelule kul’tuuruministru Aleksandr Lesonen.
Jälgi vuozinnu tazavallan 13 kul’tuurualan laitostu Karjalan eri kolkis suadih modeelikirjastoloin stuatusat.
Aihies voit lugie suomeksegi.
Yhty Oman Median kanualah Telegramas!
