Uvven Vilgan autotie on puolekse valmis
Kanzallizen Infrastruktuuru elaigah nähte -projektan mugah Uvves Vilgas jatkuu autotien perustehelline kohendamine. PSK-Stroitel’ -laitos on luadinuh enämbän puolii ruadolois.
Autotien kogo pinnale on luajittu asfal’tubetonan alakerros, paiči 600-metrahistu palua, sendäh ku sen al ollah erilazet kommunikatsies. Nygöi PSK-Stroitel’ -laitos luadiu tämän tiepalan jyrzindiä, dorogan al olijat verkot tuliel aigua luajitah toizeh luaduh. Samal aigua luajitah vihmukanalizatsiedu da trotuaroi. Valmehet ollah autobusoin azetuskohtat.
— Hos täl aigua toiči vaigei on puuttuo laukkah, kylähaldivoh libo školah da lapsien päivykodih, ku sie-tiä dorogu on salvas kohenduksen periä, kyläläzet ollah hyväs mieles, ku kohendetah dorogua, kudai ammui vuadi kohendustu, sanoi Oma Mediale Marija Ivanova.
Autotien kohendusruavot pietäh tarkan aigulistan mugah. Kogonah autotien kohendusruavot loppietah tulien vuon.
Tazavallas se on enzimäine perustehelline remontu kanzallizen projektan mugah viijen vuvven aigah da enzimäine 30 vuvven aijas objektu, kuduas rodieu luajittu pädevy vihmukanalizatsii puhtastuslaittehiston kel.
