Uuzi Vilgu nägöy pihataiduo

Moizekse nelläs päiväs rodieu Uvven Vilgan kul’tuurutaloi. 6+ Kuva: Uvven Vilgan haldivon VK-sivu

Mural-nimellizet čomendukset terväh kaunistetah Uvven Vilgan kul’tuurutaloin seinät.

Seinät mualuau karjalaine taidoilii Sasha My Name. Häi on äijien pihataijon Ven’an da kanzoinvälizien festivualiloin ozanottai. Karjalan eläjile hänen ruavot on tuttu: mies čomendi Anuksen sportuškolua da Petroskoin Nuorižotaloidu.

— Uudeh Vilgah nähte taidoilii valmisti kompozitsien ruskielois, sinizis da vihandois värilöis. Värilöis on karjalan luonnonkajahtus: järvilöin sinistys, meččien vihandus, päivänlaskun ruskot da perindöllizet ornuamentat, suau lugie Uvven Vilgan haldivon VK-sivul.

Uvven Vilgan kul’tuurutaloi on tärgei yhteiskunnalline kohtu, kunne aivin tulou lastu, nuordu da ruavastu kylän eläjiä, sie pietäh pidoloi perehih nähte.

Muraloi ruvetah luadimah nelli päiviä. Ruavot loputah kezäkuun 25. päivänny, sen jälles pietäh pruazniekallizet avajazet, kunne kučutah paikallizii eläjii da kylän gostii.

Muraloin Polosa otvoda 2.0 -festivualii pietäh Karjalan kanzallizen Nuorižo da lapset -projektan mugah.

Aihies voit lugie suomeksegi.

Yhty Oman Median kanualah MAX:as!