Uuzi ozuttelu: Kivetgi maltetah paista

Kivetgi maltetah paista -ozuttelu on omistettu kallivopiirustuksien löydämizen 100-vuozipäiväle, kuduadu pietäh tulien vuon. 6+ Karjalan piämiehen lehtistöpalvelu

Valgiel merel Besovi sledki -paviljounas on avattu alalline ozuttelu ”Kivetgi maltetah paista”. Ozuttelu on omistettu Valgien meren kallivopiirustuksien löydämizele 100 vuottu tagaperin, kuduadu ruvetah pidämäh tulien vuon.

— Uvven ozuttelun prezentatsieh tuli Zolotetsan, Sosnoučan, Uiunsuaren da Belomorskan linnan eläjiä. Pivos Belomorskan piirin piälikkö Irina Filippova kerdoi tulielois ruadolois, kuduat ollah kiini sadavuodehizes merkipäiväs, ilmoittau Karjalan piämiehen lehtistöpalvelu.

Virrallizen pivon jälles piettih enzimäine ekskursii ozutteluu myöte. Kuundelijat da kaččojat tiijustettih Valgien meren kallivopiirustuksien löydäjän Aleksandr Linevskoin elaigah nähte, niilöin löydämizeh da tutkimizeh nähte, paikallizien eläjien panokses niilöin säilyttämizeh.

Yhty Oman Median kanualah Telegramas!