Uuzi julgavo: Viizi suarnua Karjalaspäi
Periodika-julguamo piästi ilmoih uvven julgavon. Runokirjah kuuluu karjalan- da vepsänkielizet suarnat da kolme suarnua ven’an kielel.
Suarnat on kirjutettu Karjalan alovehel, niidy on viizi — Valgien meren rannikon ”Kondii da kolme sizärdy”, Oniegantagavozen ”Senna kubočka”, Puudogan čupun ”Lisička-ogn´ovka, zolotaja golovka”, vepsänkieline ”Kumman keräine” da karjalankieline ”Tuhkimus”.
— Nämmii kirjoi rubiemmo jagamah Ystävyskoin pidoloi valmistajes tazavallan opastus- da nuorižolaitoksih, moizih, kudamis ruatah valdivon kanzallizen poliitiekan hantuzis Ven’an kanzoin lujoittamizen hyväkse, sanoi Oma Mediale Aleksandra Kuznetsova, Periodikan piän al toimijan Ystävyskoin piälikön virras olii.
Julgavo on lapsile tarkoitettu, sidä voijah lugie iče lapset da vahnembat pienile kirjahmaltamattomile lapsile valmehekse.
Čomazet kirjah niškoi valmisti petroskoilaine taidoilii Dmitrii Dmitrijev.
Kirjan tagakannes ollah QR-koodat, net vietäh VK-sivul, kudamal suau kuulta suarnat da kaččuo čomazii.
Aihies voit lugie ven'aksegi.
Yhty Oman Median kanualah Telegramas!
