Nuožarven rannikko ainos vai čomenou. Täl kerdua kyläh luajittih troppu, kudai vedäy randah: kädevät miehet Aleksandr Voglojev da Vladimir Neronov azuttih puuhizet pordahat, sildaine ojas poikki da fotoramku. Karjalazeh tabah vestetys fotoramkas voibi luadie kaunehii fotokuvii päivänlaskuт aigah. Kai nämmä ruavot luajittih Melliččy-fondan Hyvänluadijoin kruugu -projektan mugah.
– Lapsetgi tahtottih yhtyö projektah, myö heijänke kruasimmo kai toizeh kerdah. A kuni myö ruavoimmo, fotoramkan luo luadimuah fotokuvii tuldih pertoskoilazet gost’at. Hyö tuldih Nuožarveh tiijustamah omua buabua. Meijän fotoramku miellytti heidy, sanelou Nuožarven aktivistu Marina Sokolova
Saman projektan mugah Honganualan kyläs paikallizet eläjät čuuruttih troppu, kudai vedäy Pyhän Miikulan časounah da azetettih skamn’u časounan tyveh. Terväh suureh kiveh kiinitetäh laudaine, kus rodieu kirjutettu tieduo Nuožarveh nähte.