Uuvvet polkupyörät sosialiruatajilla
Kalevalan piirin sosialipalvelun keškukšešša Kepan, Kuušiniemen, Borovoin ta Luušalmen sosialipalvelun ruatajilla annettih uuvvet polkupyörät.
— Jo tällä netälillä hyö lähetäh auttamah omie hoijettavie uušilla pyörillä. Niijen rattiloilla on kori kaikkie tarvittavie vehkehie varoin. Polkupyörällä on äijän mukavampi ta nopiempi piäššä hoijettavien taloih, šanottih šosialikeškukšešša.
Toimenpito oli järješšetty Karjalan hallitukšen sosialikyšymykšien piäministerin Larisa Podsadnikin ta sosialipuoluštamisen ministerin Ol’ga Sokolovan työmatan rajoissa. Virkamiehet käytih reabilitointikeškukšešša ta vanhojen ihmisien väliaikasen olomisen kojissa. Sosialipalvelun keškukšen johtajan Jelena Mališevan kera hyö käsiteltih ošaštojen korjaušruatojen mahollisukšista ta uuvven tekniikan oštamisešta, paistih laitokšen hoijettavien ta ruatajien kera.
