Uudeh Vilgah nostetah ambulatourii
Kanzallizen Pitkyaigaine da aktiivine elaigu -projektan hantuzis Onieganrannikon piirin Uvven Vilgan kyläh nostetah uuzi ambulatourii.
Uvven rakenduksen pinduala on 220 nellikkömetrii da se on sovitettu pohjazen ilmah. Konzu ambulatourien rakendus rodieu valmis, sinne sijoitetah nygyaigaine laittehisto. Paiči sidä rodieu dizel’al toimii generuattoru sen varakse, ku ei lienne rodei sähkyö. Ymbäri olijat muat kunnostetah.
— Kyläläzet jo ammui vuotettih uuttu ambulatouriedu. Tänäpäi se on pahois tilois. Lat’e erähis kohtis on loukkoloil, lagilois on tačmua, ku vetty siepäi valui. Uudeh ambulatourieh toinah pädöy tulla nuoril dai vahnembil, sanoi Oma Mediale Uvven Vilgan eläi Vera Vasiljeva.
Kanzallizen Pitkyaigaine da aktiivine elaigu -projektan hantuzis uuzi ambulatourii luajitah Sordavalan Värtsiläh da Kondupohjan piirin Tedjärveh.
Vuvvennu 2025 Karjalan piirilöih nostettih 8 ambulatouriedu da 11 feršali-akušeran punktua. Vuozien 2020 — 2025 välis moizii objektoi oli luajittu 44.
Yhty Oman Median kanualah MAX:as!
