Uuši ohjelma keräsi täyven šalin

Uuši ohjelma keräsi täyven šalin

04.12.2023
Oma pajo -kuoro esitti uuvven konserttiohjelman Petroskoissa.
Karjalaisie lauluja oli uuvvešša ohjelmašša. 0+. Kuva: Margarita Kemppainen
Karjalaisie lauluja oli uuvvešša ohjelmašša. 0+. Kuva: Margarita Kemppainen

Meijän pajot -ohjelma on Oma pajo -kuoron uuvven konsertin nimi. Še oli esitetty talvikuun 3. päivä Karjalan kanšallisien kulttuurien keškukšešša ta keräsi täyven šalin kaččojie. 

— On mukava, jotta niin äijän ihmisie šuvaiččou karjalaista lauluo. Še on tärkein tuloš, vet myö järješšämmä konserttija ta laulamma ihmisie varoin. Ohjelman piäajatuš oli šelvä konserttih tulluilla ta myö jo šaima kuččuja esittämäh konserttija, kerto kuoron johtaja Tatjana Zaitseva.

Konsertin nimi merkiččöy, jotta ohjelmašša lauletah lauluja, kumpaset kuoro šai lahjoiksi esityšmatkojen aikana. Kuoro oli esityšmatoilla Vuokkiniemeššä, Mujejärveššä, Aunukšešša, Mäkriessä, Kontupohjašša, Toljatissa ta toisissa paikoissa.

Luovien matkojen aikana artistat šeuruššeltih toisien lauluryhmien kera, kumpasien kešen on kielentietäjät. Šilloin tiijuššettih uušie lauluja, eryähät niistä oli otettu ohjelmah. Esimerkiksi, vuokkiniemiläisiltä kuoro šai Jušši-laulun, Aunukšešta tuotih Kudamoine-laulu Vladimir Brendojevin runon mukah, Kevät tuli -laulu kuultih Petrovskii-kuorošša, kunne kuoro kävi “Kuorojen taisteluh” ta tätä lauluo hyö laulettih lopušša yheššä. 

— Omissa lauluryhmissä tahi kuoroissa laulut ollah niin kuin koissa ta oikein kaunehešti niitä lauletah. Myö tahtoma opaštuo laulamah niitä šamoin, šentäh kyšymä niitä ohjelmah ta meijän ideja hyvin onnistu, lisäsi Tatjana Grigorjevna.

Kuoron ohjuajan mieleštä luovissa ohjelmissa aina on mitä parentua ta enši konserttih šuunnitellah lisätä lapšien esityš. Še tulou enši vuuvven tuiskukuušša Petroskoissa.


ПОХОЖИЕ НОВОСТИ
Oma Media
СМИ: финско-русский класс в Турку будет закрыт в следующем году
Родители учеников считают действия властей политически мотивированными.
Oma Mua
Šuomelais-ugrilaiset kanšat šuahah kannatušta etnokulttuurikehitykšeh
Venäjän hallituš hyväkšy šuomelais-ugrilaisien kanšojen etnokulttuurikehitykšen kannatušmiärien kokomukšen.
Периодика
KniiguMelličču — "Периодика" представила свои книжные новинки
В 2023 году издательство выпустило 16 книг, среди которых как книжные новинки, так и переиздания произведений.
Karjalan Sanomat
Tukea perheille ja nuorille – Venäjällä toteutetaan uusia kansallishankkeita
Perheitä tukevia liittovaltion ohjelmia on jatkettu vuoteen 2030 asti. Linjapuheessaan presidentti Putin esitteli myös uusia kansallishankkeita.
Kodima
”Kirjmel’nic” uziden kirjoiden ezitelend
29. uhokud Karjalan Rahvahiden sebruden kodiš mäni “Kirjmel’nic” – “Periodika”-painišton uziden kirjoiden ezitelend.
Karjalan Sanomat
Höyryvetureiden museo Sortavalaan – Ensimmäinen näyttely avataan kesällä
Sortavala saa uuden nähtävyyden, jossa saa tietoa rautateiden ja höyrykoneiden ja -vetureiden historiasta.
Karjalan Sanomat
Karjala on valmistautumassa ammattikilpailuihin Abylimpics-2024
Osallistujat kilpailevat 19 ammattitaitolajissa 25.–29. maaliskuuta.
Karjalan Sanomat
Petroskoilaisia kutsutaan osallistumaan hiihtomaratoniin
Perinteinen hiihtotapahtuma järjestetään Petroskoissa 10. maaliskuuta.
Karjalan Sanomat
Karjalan Arktinen alue: tasavalta kiinnostaa investoijia
Lähes 25 prosenttia sijoittajista toteuttaa matkailuhankkeita tasavallan arktisella alueella.
Войти
Регистрация
Пароль
Повторите пароль