Kevätkuun 16. päivänä Karjalan tašavallan kanšallisešša musejošša avattih Karjalan kieli -väliaikani näyttely. Esillä on karjalan kielen istorijašta kertojie tiijotuštauluja.
Kaččojat šuahah tietyä karjalan kielen šyntymiseštä, karjalaisien kirjakieleštä, riimukirjaimien ta karjalan kielen yhteyveštä šekä šiitä, mintäh tašavallašša on kirjutukšie šuomen kielellä.
Lisäkši näyttely tuttavuššuttau kävijie karjalaisien perehien käyttämih arkipäiväsih esinehih. Nuorilla kaččojilla on mahollisuš arvata karjalaisie arvautukšie šekä tutuštuo šananpolvih ta šananlaškuih.
Vuuvven 2010 väjenlašennan mukah Karjalašša on 45 530 karjalaista, onnakko omalla kielellä pakasijien ihmisien miärä vähenöy vuuvvešta vuoteh. Karjala on Venäjän Federatijon ainut aloveh, missä kantakanšan kielellä ei ole virallista statussie.
Karjalan tašavallan kanšallisen musejon uuši näyttely auttau ymmärtyä karjalan kielen monimutkaista istorijua. Näyttely on avattu kevätkuun 21. päiväh šuaten.