Uuši kokomuš yhisti naisilta kerättyjä starinoja
Karjalan tašavallan kanšanneron keškukšešša esiteltih Jyväni jyväseh. Karjalan venäläini starinamaini naisien repertuari -kokomuš. Šiinä on 30 starinua, kumpaset oli kerätty 1880—1980-luvulla eri starinankertojattarilta. Erähät tekstit on julkaistu enši kertua. Kokomukšen luatija on filologijan kandidatti Anastasija Lizlova, kertou Karjalan tašavallan kanšallisen ta alovehellisen politiikan ministerijö.
— Haluosin kiittyä projektin ošallistujie — niitä, ket iänitettih starinoja — Pitaritsi-kuoron ošallistujie. Enši vuorošša starinat ollah pakinan mallija. Iänitykšen anšijošta šuamma tietyä, mitein alkuperäset šuarnat kuuluttih, launuau ministerijö Anastasija Lizlovan šanoja.
Kirjašša on QR-koodit, kumpasien kautti voipi kuunnella, kuin Pitaritsi-kuoron artistat luvetah starinoja. Šamoin kokoumukšešša on šanakirja.
Kirjašša on Šuarnat lapšien šilmin -kilpailun voittajien luatimie kuvitukšie. 150 työštä valittih 30 parašta tevošta — yksittäin joka starinua varoin.
Kirja on julkaistu Periodika-kuštantamošša Karjalan starinamaini koodi -projektin rajoissa Karjalan piämiehen granttišiätijön tuvella.
Yhty Oman Median MAX-kanalah!
