Uuši juna yhistäy Leningradin alovehta Sortavalah
13.04.2021
Uuši junamatka järješšetäh Karjalan tašavallan ta Leningradin alovehen valillä. Orlan-juna rupieu kulkomah Lotinapellon, Pitkärannan ta Sortavalan välillä.
Harlu-pos’olkašša rakennetah laiturie uutta junua varoin. Kuva: Ekokylä Harlu -Vkontakte ryhmä
Aunukšen, Pitkärannan ta Sortavalan piirissä nyt pietäh korjauštöitä rautatieašemilla, kumpasien kautti rupieu kulkomah uuši juna. Infrastruktuurie kunnoššetah Mäkrien, Tuuksin, Tuuloksin, Harlun, Koirinojan ta Rajakonnun ašemilla. Niise alettih korjata rautatietä, jotta junat voitais kulkie rutompah.
– Uuši Lotinapelto–Pitkäranta–Sortavala -juna rupieu kulkomah šemmosen aikataulun mukah, jotta olis mukava jatkua matkua Lastočka-junalla Piiterin šekä Petroskoin šuuntah, šelitettih Karjalan tietalouven, liikentehen, pošti- ta telelaitokšen ministerijöššä.
Karjalašša jo käytettih Orlan-junie uuvvenvuuvven loman aikana. Šilloin ne kulettih Petroskoista Ruskealah ta Sortavalah.
ПОХОЖИЕ НОВОСТИ
