Urho – Voiton poluin -projektin enšimmäini video on nähnyn päivänvalon
Urho — Voiton poluin -projektin rajoissa luatima animatijovideošarja kertou Šuurešta Isänmuallisešta šovašta Karjalan istorijašša. Aloteh šynty kanšallusukšien väliseššä EtnoSMART-nuorisoforumissa. Projektin enšimmäini video on nähnyn päivänvalon. Šiitä kertou Karjalan tašavallan kanšallisen ta alovehellisen politiikan ministerijö.
— Videošarjan piähenkilönä on Urho-nimini poika, kumpani lähtöy matkah oman pravoukon-partisanin jälkijä myöten. Yheššä hänen kera kaččoja kulkou šovan teitä myöten, šuau tietyä muanmiehien urošruavoista ta näköy, mitein tašavalta eli niinä vaikeina vuosina, šanotah tiijotukšešša.
Kaikkieh šarjašša on kolme videota. Joka niistä on omissettu Karjalan šotaistorijan tärkeimmillä tapahtumilla. Enšimmäini video kertou Belomorskista, Karjalan šotapiäkaupunkista.
Projekti šynty EtnoSMART-nuorisoforumin nuorien aktivistien alottehešta.
Karjalan kanšallisen ta alovehellisen politiikan ministerijö kannatti projektin. Šamoin aloteh kannatettih alovehen tietomiehet ta ekspertit.
Videota voipi kaččuo Kanšallisen ta alovehellisen politiikan ministerijön šivulta Vkontaktešša.
Aihiešta voit lukie niise šuomekši ta venäjäkši.
Yhty Oman Median Telegram-kanalah!
