Ultraiänihälytys azetettih Šuojun sillal
10.03.2025
Ruadojoukot ollah valmehet ottavumah ruadoh, ku lienne vezi Šuojun joves nouzou.
Sillale Šuojus poikki azetettu viennouzun ultraiänihälytys rubieu tarkistamah gidrolougizii muuttoksii. Kuva: Ol'ga Smotrova
Ruadojoukot ollah valmehet ottavumah ruadoh, ku lienne vezi Šuojun joves nouzou. Paiči sidä sillale Šuojus poikki on azetettu viennouzun ultraiänihälytys, se rubieu tarkistamah gidrolougizii muuttoksii.
Operatiivizet palvelut tarkistetah tilua.
— Mennyt vuon Šuojus da Ukšunjärves vezi nouzu ylen korgiel. Šuojun Yllözes äijät taloit oldih vies, vien al oldih muapalat, ogrodat, liävät da tahnuot. Sendäh on ylen hyvä, ku nygyaigazen laittehiston avul suau ennepäi tiijustua, ku lienne vezi rubieu nouzemah, sanoi Oma Mediale Šuojun kylän eläi Tamara Sidorova.
Vezistölöis viennouzus libo varaittajis suluamizis federuallizien tielöin da juamoin lähevil voibi ilmoittua yöt-päivät ruadajah telefonah +7 (814-2) 44-44-77.
ПОХОЖИЕ НОВОСТИ
