Šuldir ozuttau omassah pajoneruo Kogo mua -kilvas
Šuldir-folklourujoukko luodehpuolen federuallizen alovehen nimes ozuttau omassah pajoneruo kogo Ven’an etnizen muuzikan kilvas ”Kogo mua”.
— Juuri nygöi olemmo Siktivkaran linnas alovehienvälizes muuzikkusoittimil soittajien festivualis ”Parman muuzikku”. Enne Moskovah menendiä meil ollah moizet pienet gastroulit. Moskovas gala-konsertas rubiemmo ezittymäh kolmei — minä, Radis Gainijatov da Polina Šulepova. Pajattamah rubiemmo komi-zir’anoin pajuo, kuduan kel piäzimmö finualah da kodiruavokse meile oli annettu suvipuolizen federuallizen alovehen pajo Krasnoduaran čupul kirjutettu. Sen valmistammo konsertakse, sanoi Oma Mediale Alevtina Voitovič, Šuldir-joukon piälikkö.
Tänä vuon kilbah on suadu 233 zajavkua. Arvostusjoukko piästi finualah kymmene joukkuo, yksin joukon jogahizes federuallizes alovehes da uuzis yhtistettylöis alovehis. Šuldir puutui finualah komi-zir’anoin liro-eeppizen Truba, truba, mu truba -pajon pajattamal.
Kilvan voittajat ilmoitetah 4. talvikuudu Moskovas gala-konsertas.
Kilbuniekoin videot da finualah piästylöin muuzikkujoukkoloin kilbunoumerat voibi kaččuo täs.
Yhty Oman Median kanualah Telegramas!
