“Ukonkuaren” ruadai ezittäy Karjalua Ven’an ammattikilvas
Priäžän kylän Ukonkuari-päivykoin ruadai, lapsienkazvattai Natalja Vasiljevna Petrova ezittäy Karjalua kogo Ven’an ammattikilvas “Muamankielen da kodirannan literatuuran paras opastai” nominatsies “Detsadulazien lapsien muamankielen neron kehittämizen parahat praktiekat”. Vuvvennu 2025 kilbu pietäh Bur’atien piälinnas Ulan-Ude.
Syvyskuun 9. päivänny piettih kilvan avajazet. Kaččuo pruazniekkupiduo kuvii myöte voibi kilvan vkontakte-sivul.
— Se-tämä vuozi tagaperin minun ruado lapsienke on vähäzel muuttunuh, minä rubein tuttavuttamah lapsii karjalan kieleh, karjalazien perindölöih da eloksentabah. Uskon, ku minun ammatti ei ole vaiku minun ruado, se on minun eloksen ruado, kirjuttau Natalja oman ičen ezitykses.
Omas kilburuavos (kaččuo 2.06 algajen) Natalja Vasiljevna opastau lapsii tervehtimäh rahvastu: “Terveh teile!”, sanou häi kiirehtämättäh, lapset sanotah peräh.
Natalja Petrova ruadau pedagougiekkualal 17 vuottu.
