Šuomen Uhtua-šeura on alottan Uhtuan talot nettiin -projektie, kumpasen tavoittehena on kerätä tietoja Uhtuon vanhoista taloista ta niijen eläjistä.
Nyt kerätäh tietoja Kalevalan Likopiän ta Lamminpohjan kylänošien taloista. Eččie tietoja aktiivisešti autetah Šuomen ta Kalevalan eläjät.
– Kaikki kerätyt tiijot panemma Uhtuon talojen istorija -ošah omalla verkkošivulla. Tämä projekti niise auttau matkailuo Kalevalašša, jotta oppahat voitais käyttyä tietoja opašretkilöissä, šano projektin johtaja Sari Maarit Karjalainen.
Projektin johtaja kuččuu kaikkie, kellä on tietoja Uhtuon vanhoista taloista ta niijen isännistä liittymäh projektih. VK-sosialiverkošša on luajittu projektin ryhmä.